Hindi Song Lyrics

Hindi Song Title: nirdhan kaa ghar lootanewaalon
Hindi Movie/Album Name: BAIJU BAWRA
Singer(s): MOHHAMAD RAFI

Hindi Lyrics:

nirdhan kaa ghar lootanewaalon, loot lo dil kaa pyaar
pyaar wo dhan hain jis ke aage, sab dhan hain bekaar

insaan bano, insaan bano, kar lo bhalaayee kaa koee kaam
duniyaa se chale jaaoge, rah jaayegaa bas naam

jis baag mein sooraj bhee nikalataa hain liye gam
foolon kee hasee dekh ke ro detee hain shabanam
kuchh der kee khushiyaan hain to kuchh der kaa maatam
kis nind mein ho jaago, jaraa soch lo anjaam

laakho yahaa shaan apanee dikhaate huye aaye
dam bhar ke liye naach gaye dhoop mein saaye
wo bhool gaye the ke ye din hain saraayen
aataa hain koee subah, to jaataa hain koee shaam

kyo tumane lagaaye hain yahaa julm ke dhere
dhan saath naa jaayegaa, bane kyo ho lutere
peete ho gareebon kaa lahoo shaam sawere
khud paap karo, naam ho shaitaan kaa badanaam